Галериjата „Амам” при Музеjот на Гевгелиjа, во соработка со Здружението за архитектура, дизаjн и култура „Архифакт“-Скопје , на 11 април 2025год. во 17:30 часот, ќе има особена чест, пред  јавноста во Гевгелија да ја претстави самостојната изложба на авторката Ана Митевска насловена „Приказни во Тиркиз- Извор на животот”.

Во организација на Јасминка Намичева, автор на неформалната мрежа на музеи –МузеумЛинк, ова претставување на изложбата е веќе од јули 2024год. на патување по музеите и домовите на култура надвор од Скопје. Изложбата беше првично реализирана во Музеj на град Скопје во 2024година, како трета самостојна изложба на Митевска. Куратор на изложбата е Гордана Велкова. 

Ликовните приказни се дел од неколку тематски циклуси, поврзани во колористички структурални композиции, кои градираат во мелодичен ритам на тиркизната боја создавајќи ги ликовните елементи во ликовниот простор. 

Секоја композиција од циклусот стилски се влева во наредната, а секој циклус продолжува во наредниот градејќи ја целата поставка на делата низ која што таа ја преобразува аморфната ликовна форма во различни структурни површини исто како и преобразбата на структурата во природата на каменот Тиркиз, од камен во кристал.

Отворање: Петок, 11 април 2025
⏰ Почеток: 17:30 часот

Локација: Уметничка галерија АМАМ, Гевгелија
Влез: Слободен

Изложбата е дел од културните настани во рамките на програмата „Гевгелија – Град на културата 2025“.