Танцово студио „Мистик“ и оваа година ја заокружува сезоната со два спектакуларни годишни концерти, од кои првиот ќе се одржи веќе вечерва (24 јуни, понеделник), а вториот утре (25 јуни, вторник) во Народниот театар – Гевгелија, со почеток во 20:00 часот.
🎟️ Билетите се сè уште достапни во цвеќара „Оликат“, по цена од 200 денари – набавете ги додека не е доцна!
Публиката ќе може да ужива во богата кореографска програма која ги обединува сите танцови групи на „Мистик“ – од најмалите, до возрасните – во ритамот на современ танц, хип-хоп, џез-денс и урбан сценски израз. Спектаклот ќе биде дополнет со визуелни ефекти, сценска дисциплина и емоција.
Со своите концерти, „Мистик“ не само што слави успешна танцова сезона, туку и дава вреден придонес во културната понуда на Гевгелија – град кој гордо го носи признанието „Град на културата за 2025 година“.
🎭 Не пропуштајте го вечерашниот или утрешниот концерт – вистинска танцова магија во срцето на Гевгелија!
